Skáldsagan Mr. Midshipman Easy eftir Frederick Marryat er sígild ævintýra- og uppvaxtarsaga sem kom fyrst út árið 1836. Sagan gerist á tímum Napóleonsstríðanna, en Marryat gegndi sjálfur herþjónustu í þeim við góðan orðstír.

Hér segir frá Jack Easy, dekruðum syni efnaðra foreldra, sem yfirgefur heimahagana fjórtán ára gamall til þess að halda á vit ævintýranna á sjónum. Honum reynist í fyrstu erfitt að aðlagast hinu reglufasta líferni sjóhersins og hann kemur sér í ýmiss konar vandræði með uppátækjum sínum og grallaraskap. En ekki líður á löngu þar til ævintýrin hefjast fyrir alvöru.